بقلم علاء قنديل
في كل ساحة يظهر فيها اسم تركي آل الشيخ لازم تكون المعركة أقوى من المتوقع الرجل ما بيعديش مرور الكرام وجوده لوحده كفاية يولع الجدال بين اللي بيشجع نجاحه واللي بيتمنى سقوطه وده مش صدفة لأن النجاح لما يكون حقيقي بيبقى حراق واللي بيشتغل بطموح مش بيستأذن حد النجاح عند تركي آل الشيخ مش مجرد أرقام ولا مناصب لكنه فكر جديد بيكسر التابوهات وده اللي خلى الهجوم عليه أقوى من أي وقت فات
في كل مرة يظهر فيها اسم المستشار تركي آل الشيخ على الساحة نلاقي الجدل مولع بين مؤيد ومعارض ناس تشيد وناس تنتقد لكن الحقيقة إن وراء كل ضجة سبب واحد النجاح
تركي آل الشيخ مش شخصية عادية قدر في فترة قصيرة يثبت وجوده في مجالات مختلفة الرياضة الفن الاستثمار وحتى في صناعة المحتوى قدر يخلق لنفسه بصمة مختلفة ومكانة واضحة وده في حد ذاته سبب كفاية يخلي البعض يتحسس منه أو حتى يهاجمه
النجاح مش دايمًا محبوب دي حقيقة الناس ساعات ما تقدرش تشوف حد بيتقدم بسرعة أو بيكسر القواعد التقليدية فبدل ما تتعلم منه أو تشجعه تهاجمه عشان تبرر لنفسها الفشل أو العجز عن الوصول لنفس المكان
تركي آل الشيخ رد في أوقات كتير وردوده كانت صريحة ومباشرة وده اللي خلى البعض يعتبرها استفزاز أو غرور رغم إنها في الحقيقة دفاع عن موقف أو عن بلده الراجل بيشتغل بطريقته الخاصة ممكن تكون مختلفة عن اللي اتعودنا عليه بس في النهاية النتائج بتتكلم عنه مشاريع نجحت بطابع سعودي عالمي وتجارب خلت اسم المملكة يظهر في أماكن ماكنش يوصلها بسهولة
اللي بيهاجم نسى إن كل واحد له طريقه وله فكره مش لازم نمشي ورا نفس القالب لو كل ناجح هنوقفه عشان أسلوبه أو طريقته يبقى عمرنا ما هنتقدم
مش لازم تحب تركي آل الشيخ لكن لازم تحترم اللي قدر يعمله واللي قدمه في مجالات مختلفة البلد بتكبر لما كل واحد يشتغل بطريقته وينجح فيها مش لما نفضل نحطم في بعض وننتقد اللي بيحاول
الغيرة مش وطنية والنجاح مش تهمة واللي بيدافع عن بلده مش لازم يتبرر كل خطوة بيعملها